Pollini

For English click here

Pollini დაარსდა 1953 წელს ემილია რომანას (Emilia Romagna) პატარა ქალაქ სან მაურო პასკოლიში (San Mauro Pascoli). დროთა განმავლობაში, ადგილობრივი, მაღალკვალიფიციური ხელოსნების წყალობითა და ხარისხიანი ფეხსაცმლის წარმოებით, ამ ტერიტორიამ სახელი გაითქვა.
ბრენდმა ცნობადობა მალევე მოიპოვა, რამაც საშუალება მისცა კომპანიას ეწარმოებინა სამრეწველო მასშტაბის ტყავის ნაწარმი. შედეგად, კომპანიამ დაიწყო ჩანთების წარმოებაც. აქვე უნდა აღინიშნოს, რომ Pollini–ს თემატურმა კოლექციებმა მოაპოვებინა თავისი დიდება.
თემატური კოლექციებიდან ყველაზე ცნობილია “Daytona” თავისი ხელმოწერით ჩექმაზე (lace-up boots) და ყოველდღიურ ფეხსაცმელზე. სწორედ ეს ხაზი გახდა Pollini-ის უნიკალურობის გამომხატველი. “Daytona”-ს წყალობით Pollini საპატიო ადგილს იკავებს ნიუ-იორკის მოდის მუზეუმში.
2000 წელს ბრენდი იყიდა ცნობილმა ძვირადღირებულმა ბრენდების ჯგუფმა- „AEFFE“ (“Alberta Ferretti”, “Philosophy di Lorenzo Serafini”, “Moschino” and ” Pollini “ – ეს ჯგუფი აწარმოებს ფეხსაცმელს, ტყავის პროდუქციას, საცურაო კოსტუმებს, თეთრეულს) და მას შემდეგ აწარმოებს სხვადასხვა ბრენდების (Alberta Ferretti, Philosophy, Moschino, Moschino Cheap and Chich, and Love Moschino) აქსესუარებს.
2012 წელს Pollini-ს კრეატიული დირექტორი ბრიტანელი ნიკოლას კირკვუდი(Nicholas Kirkwood) გახდა, რომელიც ბრენდის კრეატიულ პროექტებს ჩაუდგა სათავეში და შეინარჩუნა ბრენდის მნიშვნელოვანი, კვალიფიციური ხელოსნები და მაღალი ხარისხის მასალები.
ამავე წელს Pollini-მ დაიწყო Cutler and Gross-თან ერთად მზის სათვალეების კოლექციის გამოშვება სახელად “capsule collection”.
2013 წელს მე-60 წლისთავთან დაკავშირებით Pollini-მ გამოუშვა სპეციალური ფეხსაცმელებისა და აქსესუარების კოლექცია, მათ შორის იყო საჯირითო(riding-like boots) ფეხსაცმელების თანამედროვე ვერსიაც.
ხოლო 2015 წლიდან იწყება Pollini-ს ახალი ერა. თანამედროვე დიზაინისა და ოსტატურად შეკერილი ფეხსაცმელებით Pollini თავიდან განსაზღვრავს ყოველდღიური სტილის კონცეფციას, მაღალი ხარისხისა და ზუსტი ხაზების გამოყენებით. ეს სტილი კი, თავის მხრივ, ყველა ძლიერ პიროვნებას უხდება.
Pollini-ს ფეხსაცმლის დამზადებას საკმაოდ კომპლექსური მიდგომა ჭირდება. მიუხედავად იმისა, რომ ფეხსაცმლის დამზადებაში თანამედროვე ტექნოლოგიები გამოიყენება, მინიმუმ 135 პროცედურის გაკეთებაა საჭირო ადამიანის ხელით (იხილეთ ოფიციალური ვებ-გვერდი) პროცესი იწყება სტუდიაში, სადაც პირველ რიგში ირჩევა ტყავი და ფერები. ყველაზე რთული პროცესი არის ტყავის დაჭრა, რადგან ზუსტად ერთი და იგივე სისქის ტყავი უნდა იყოს მთლიან ფეხსაცმელზე. შემდეგ უხამებენ ძირს , ამაგრებენ ქუსლს “კალციერას” საშუალებით და 110 გრადუსზე ღუმელში ათავსებენ, რომ ტყავმა ბუნებრივი ტენიანობა მიიღოს. ღუმელიდან გამოღების შემდეგ აწებებენ ძირს, 30 წუთი ელოდებიან და შემდეგ 7 ბარიანი წნევის წყალობით ასრულებენ პროცესს.